ആത്മഹത്യാ കുറ്റകരമാണോ?

ആത്മഹത്യാ കുറ്റകരമല്ല. കാരണം ശിക്ഷിക്കാൻ ആളുണ്ടാകില്ല.
എന്നാൽ ഇന്ത്യൻ പീനൽ കോഡ് സെക്ഷൻ 309 പ്രകാരം ആത്മഹത്യാ ശ്രമം കുറ്റകരം ആണ്. ഇതിനു ഒരു വർഷത്തിൽ കവിയാത്ത തടവോ പിഴയോ രണ്ടും കൂടിയോ ലഭിക്കാവുന്നതുമാണ്.

എന്നാൽ ആത്മഹത്യ ചെയ്യാൻ തീരുമാനിച്ച വ്യക്തിയുടെ അവസ്ഥ സഹാനുഭൂതിയോടും കരുതലോടും കാണണമെന്ന പരിഷ്‌കൃത മനുഷ്യന്റെ ചിന്ത ഇതിനെ ശിക്ഷയിൽ നിന്നും ഒഴിവാക്കണമെന്ന അഭിപ്രായത്തിൽ എത്തിച്ചു. ലോ കമ്മിഷൻ ഇത് പീനൽ കോഡിൽ നിന്നും ഒഴിവാക്കണമെന്നും നിർദ്ദേശിച്ചു. ഇതിനു വേണ്ടി ഒരു ബില്ല് പാർലമെന്റിൽ അവതരിപ്പിച്ചു എങ്കിലും അത് നിയമമായില്ല.

എന്നാൽ Mental Health Care Bill, 2013 പാസ്സായതോടു കൂടി ആത്മഹത്യാ ശ്രമം ഒരു മാനസീക രോഗാവസ്ഥ ആയി പരിഗണിച്ചു കുറ്റകരമല്ലാതെയാക്കി ശിക്ഷയിൽ നിന്നും ഒഴിവായി. അതായതു ഐപിസി സെക്ഷൻ 309 നിലനിൽക്കെ തന്നെ, മറ്റൊരു നിയമത്തിലൂടെ അത് കുറ്റകരമല്ലാതെയാക്കി.

(In article 124, that “Notwithstanding anything contained in section 309 of the Indian Penal Code, any person who attempts to commit suicide shall be presumed, unless proved otherwise, to be suffering from mental illness at the time of attempting suicide and shall not be liable to punishment under the said section.” It also provides that the Government shall have the duty to provide medical care to any such person attempting suicide. The Bill, therefore, does not repeal Section 309 of the Indian Penal Code, but merely provides the presumption of mental illness.)

എന്താണ് ഹേബിയസ്സ് കോർപ്പസ് (habeas corpus)?

കേരളത്തില്‍ ഹേബിയസ്സ്‌ കോര്‍പ്പസ്‌ ഫയല്‍ സ്വീകരിച്ചുകൊണ്ട്‌ കേരളഹൈക്കോടതി ഉത്തരവിടുന്ന ആദ്യകേസ്സാണ്‌ രാജന്‍ തിരോധാനം അല്ലെങ്കില്‍ രാജന്‍ വധക്കേസ്‌. . ഒരു പിതാവ്‌ പ്രൊഫ. ഈച്ചരവാര്യര്‍, തന്റെ മകന്റെ തിരോധനത്തിന്റെ സത്യം കണ്ടെത്താന്‍ ജീവിതത്തിന്റെ നല്ലൊരു പങ്ക്‌ ചിലവഴിച്ചിട്ടും പണത്തിന്റെ മുക്കാല്‍ പങ്ക്‌ ചിലവഴിച്ചിട്ടും സത്യാവസ്ഥയെന്തെന്ന്‌ കണ്ടെത്താന്‍ കഴിയാതെ പോയിയെന്നതാണ്‌ സത്യം.

എന്താണ് ഹേബിയസ്സ് കോർപ്പസ്? ഹേബിയസ്സ് കോർപ്പസ് എന്ന ലാറ്റിൻ വാക്കിന്റെ അർഥം – “നിങ്ങളുടെ കയ്യിൽ ശരീരം ഉണ്ടോ” – “that you have the body” എന്നാണ്. അതായതു അനധികൃതമായി കസ്റ്റഡിൽ (illegal detention) ഉള്ള ഒരാളെ ഹാജരാക്കാൻ ആരുടെ കസ്റ്റഡിയിൽ ആണോ ഉള്ളത് അയാളോടും നിയമ നിർവ്വഹണ വിഭാഗത്തോടും കോടതി ആവശ്യപ്പെടുന്ന ഉത്തരവാണ് ഹേബിയസ്സ് കോർപ്പസ്. ഇത് ഹൈക്കോടതി / സുപ്രിം കോടതിക്കും ഉപയോഗിക്കാൻ ഭരണഘടനാ പ്രകാരം അനുമതിയുള്ള റിട്ട് (Writ) പെറ്റീഷനുകളിൽ ഒന്നാണ്. കാണാതെ പോയ ആളെ കണ്ടെത്താൻ ഉപയോഗിക്കേണ്ട പെറ്റീഷൻ അല്ല ഹേബിയസ്സ് കോർപ്പസ്.

ഈയിടെ വാർത്താപ്രാധാന്യം നേടിയ മറ്റൊരു ഹേബിയസ്സ് കോർപ്പസ് കേസ് ഹാദിയ (അഖില അശോകൻ) സത്യസരണി എന്ന മത സ്ഥാപനം തന്റെ മകളെ അനധികൃതമായി തടവിൽ വെച്ചിരിക്കുന്നു എന്ന് ആരോപിച്ചു ഹൈ കോടതിയിൽ ഹേബിയസ്സ് കോർപ്പസ് ഫയൽ ചെയ്തിരുന്നു.

മൊഴി ചൊല്ലിയ ഭാര്യയ്ക്ക് ഭർത്താവു ചിലവിനു കൊടുക്കേണ്ട ബാധ്യത ഉണ്ടോ?

മുസ്ലിം നീയമങ്ങൾ അനുസരിച്ചു തിരിച്ചെടുക്കാൻ സാധിക്കാതെ തലാഖ് ചൊല്ലി ബന്ധം ഒഴിവാക്കിയ ഭാര്യയ്ക്ക് ഇദ്ദാ കാലത്തു മാത്രമേ ചിലവിനു കൊടുക്കാൻ ഭർത്താവിന് ബാധ്യത ഉള്ളു.

എന്നാൽ പ്രസിദ്ധമായ മുഹമ്മദ് അഹമ്മദ് ഖാൻ V ഷാ ഭാനു ബീഗം കേസിൽ (Decided 23 April 1985) തലാഖ് ചൊല്ലിയ സ്ത്രീയ്ക്ക് കേവലം ഇദ്ദ കാലത്തേക്ക് മാത്രമല്ല ചിലവ് നല്കാൻ ബാധ്യത എന്ന് സുപ്രിം കോടതി വിധിച്ചിരുന്നു. അതായതു വിധവ പുനർവിവാഹിത ആകുന്നതു വരെയോ CrPC സെക്ഷൻ 125 പ്രകാരം മറ്റു വ്യവസ്ഥകൾക്ക് വിധേയമായി ചിലവിനു നല്കാൻ ഭർത്താവിന് ബാധ്യത ഉണ്ട്. CrPC സെക്കുലർ നിയമവും എല്ലാ ജാതിമത വിശ്വാസികൾക്കും ബാധകവുമാണ്.

ഈ വിധി മറികടക്കുന്നതിനായി, മുൻ ഭർത്താവിന്റെ ബാധ്യത ഇദ്ദ കാലത്തേക്ക് നിജപ്പെടുത്തുന്നതിനു വേണ്ടി Muslim Women (Protection of Rights on Divorce) Act കൊണ്ടുവരുകയും തുടർന്ന് വന്ന ഡാനിയേൽ ലത്തീഫ് കേസിൽ ഈ ആക്ടിന്റെ ഭരണ ഘടന സാധുത സുപ്രിം കോടതി ശെരിവെയ്ക്കുകയും ചെയ്തു. പക്ഷെ തുടർന്ന് വന്ന കേസുകളിലും കോടതി ഷാ ഭാനു ബീഗം കേസാണ് മാതൃക ആക്കിയത്. അതായതു CrPC സെക്ഷൻ 125 പ്രകാരം, മറ്റേതു വിഭാഗത്തിലും പെട്ട വിധവകളെ പോലെ മുൻഭർത്താവിൽ നിന്നും ചിലവിനു അർഹത മുസ്ലിം സ്ത്രീകൾക്കും ഉണ്ട്.

വിവാഹം കഴിക്കാതെ സ്ത്രീയും പുരുഷനും ഒരുമിച്ചു താമസിക്കാമോ?

സ്ത്രീ പുരുഷ ബന്ധങ്ങൾ മാറിക്കൊണ്ടിരിക്കുന്ന സമൂഹത്തിൽ വിവാഹിതരാകാതെ ഒരുമിച്ച് ജീവിക്കുന്ന (live-in relationships / live together without marriage ) സ്ത്രീ പുരുഷന്മാരുടെ എണ്ണം വർധിച്ചുകൊണ്ടിരിക്കുന്നു.

ഈയൊരു മാറ്റം നിയമ സംവിധാനവും അംഗീകരിച്ചു തുടങ്ങി .അതുകൊണ്ടു ഇത്തരം ബന്ധങ്ങളിലും ഗാർഹീക പീഡന നീയമങ്ങൾ (Protection of Women from Domestic Violence Act) പ്രയോഗിക്കാണുന്നതാണ് എന്ന് കോടതികൾ വിധിച്ചിട്ടുണ്ട്.

മറ്റൊരു കാര്യം, ശൈശവ വിവാഹ നിരോധന നിയമപ്രകാരം (Prohibition of Child Marriage Act, Hindu Marriage Act etc), വിവാഹിതരാകുന്നതിനു സ്ത്രീയ്ക്ക് 18 വയസ്സും പുരുഷന് 21 വയസ്സും പൂർണ്ണമാകേണ്ടതാണ്. അതുകൊണ്ടു വിവാഹ പ്രായം തികയാതെ ഉള്ള ഒരുമിച്ചു താമസിക്കുക എന്നത് വിവാഹത്തിന് തുല്യമായി പരിഗണിക്കില്ല എന്ന് മാത്രം. എന്നാൽ പ്രായപൂർത്തിയായവർ (18 വയസ്സ് പൂർത്തിയായവർ ) ഒരുമിച്ചു താമസിക്കുന്നത് നിയമപരമായി തെറ്റല്ല.

ഒരുമിച്ചു താമസിക്കുക വിവാഹത്തിന് തുല്യമായി പരിഗണിക്കുവാൻ ബഹുമാനപ്പെട്ട സുപ്രിം കോടതി ചില മാർഗ്ഗനിർദ്ദേശങ്ങൾ പുറപ്പെടുവിച്ചിട്ടുണ്ട്.

  • പങ്കാളികൾ ദീർഘകാലമായി വിവാഹിതരെ പോലെ സമൂഹത്തിൽ ഒരുമിച്ച് താമസിക്കുക.
  • നിയമപരമായ വിവാഹത്തിന് വേണ്ട പ്രായം പൂർത്തിയാക്കിയവർ ആയിരിക്കുക.
  • നിയമപരമായ വിവാഹത്തിൽ ഏർപ്പെടാൻ വേണ്ടുന്ന എല്ലാ യോഗ്യതകളും ഉണ്ടായിരിക്കുക.
  • ബാഹ്യപ്രേരണ കൂടാതെ സ്വന്തം ഇഷ്ടപ്രകാരം ഒരുമിച്ചു താമസിക്കുക.

144 പ്രഖ്യാപിക്കുക എന്നാൽ എന്താണ്? 144 പ്രഖ്യാപിച്ചാൽ ശ്രെദ്ധിക്കേണ്ട കാര്യങ്ങൾ എന്തൊക്കെ?

ഒരു നിശ്ചിത പ്രദേശത്ത് സംഘര്‍ഷമോ കലാപ സാധ്യതയോ തടയുന്നതിനായി പത്തിലധികം പേര്‍ സംഘം ചേരുന്നത് തടഞ്ഞുകൊണ്ട് മജിസ്‌ട്രേറ്റിനോ, സബ് ഡിവിഷണല്‍ മജിസ്‌ട്രേറ്റിനോ പുറമെ സംസ്ഥാന സര്‍ക്കാരിനും പുറപ്പെടുവിക്കാവുന്ന വകുപ്പാണ് 144 അഥവാ നിരോധനാജ്ഞ.

നിയമവിരുദ്ധമായി സംഘം ചേരുന്നവര്‍ക്കെതിരെ ഇന്ത്യന്‍ ശിക്ഷാ നിയമത്തിലെ 141 മുതല്‍ 149 വരെയുള്ള വകുപ്പുകള്‍ പ്രകാരമാണ് കേസെടുക്കുക. 144 പ്രഖ്യാപിച്ചതിനു ശേഷം, നിയമവിരുദ്ധമായി സംഘം ചേരുന്നവര്‍ക്കെതിരെ ഇന്ത്യന്‍ ശിക്ഷാ നിയമത്തിലെ 141 മുതല്‍ 149 വരെയുള്ള വകുപ്പുകള്‍ പ്രകാരമാണ് കേസെടുക്കുക. മജിസ്‌ട്രേറ്റിന്റെ ഉത്തരവ് ലംഘിച്ച് കലാപത്തിന് ആഹ്വാനം ചെയ്യുന്നവര്‍ക്ക് മൂന്ന് വര്‍ഷം വരെ തടവ് ശിക്ഷയും പിഴയും ലഭിക്കും.

സംഘംചേരുന്ന എല്ലാവരും ശിക്ഷിക്കപ്പെടുമെന്ന പ്രത്യേകതയും ഈ വകുപ്പിനുണ്ട്.