ഇന്ത്യയിലെ ഒരു ദേശീയ കുറ്റാന്വേഷണ ഏജൻസി ആയ എൻ ഐ എ, നാഷണൽ ഇൻവെസ്റ്റിഗേഷൻ ഏജൻസി ആക്ട്,2008 പ്രകാരം 2009 ൽ ആണ് രൂപീകൃതമായത്. എൻ ഐ എ യുടെ പ്രധാന ലക്ഷ്യം ഇന്ത്യ മഹാരാജ്യത്തെ ഭീകര പ്രവർത്തനങ്ങൾ കാര്യക്ഷമമായി അന്വേഷിക്കുക എന്നുള്ളതാണ്.
ന്യൂ ഡൽഹി ആസ്ഥാനമായ എൻ ഐ എ യുടെ ബ്രാഞ്ച് ഓഫീസ് കേരളത്തിൽ കൊച്ചി കടവന്ത്രയിലെ ഗിരിനഗറിലും സ്പെഷ്യൽ കോടതി കലൂർ ബാനർജി റോഡിലും പ്രവർത്തിക്കുന്നു.
എൻ ഐ എ ക്കു അന്വേഷിക്കാവുന്ന കുറ്റകൃത്യങ്ങൾ എന്തൊക്കെ?
എൻ ഐ എ ആക്ടിൽ അനുബന്ധം (Schedule) ചെയ്യപ്പെട്ടിട്ടുള്ള നിയമങ്ങളിലെ കുറ്റകൃത്യങ്ങൾ മാത്രമാണ് എൻ ഐ എ ക്കു അന്വേഷിക്കാവുന്നത്. അവ താഴെ പറയുന്നവയാണ്
- The Atomic Energy Act, 1962;
- Explosive substances act 1908;
- The Unlawful Activities (Prevention) Act, 1967;
- The Anti-Hijacking Act, 1982 (65 of 1982);
- The Suppression of Unlawful Acts against Safety of Civil Aviation Act, 1982 (66 of 1982);
- The SAARC Convention (Suppression of Terrorism) Act, 1993 (36 of 1993);
- The Suppression of Unlawful Acts Against Safety of Maritime Navigation and Fixed Platforms on Continental Shelf Act, 2002 (69 of 2002);
- The Weapons of Mass Destruction and their Delivery Systems (Prohibition of Unlawful Activities) Act, 2005 (21 of 2005);
- Offences under—
- sections 121 to 130 Indian Penal Code 1860;
- Section 370 and 370A Indian Penal Code 1860;
- Sections 489-A to 489-E of the Indian Penal Code, 1860;
- Section 25 Subsection 1aa Of Arms Act 1959;
- Section 66 F Of Information Technology Act,2000.
ആക്ടിൽ അനുബന്ധം (SCHEDULE) ചെയ്യപ്പെട്ട ഒരു കുറ്റ കൃത്യം FIR രജിസ്റ്റർ ചെയ്ത ഉടൻ തന്നെ ബന്ധപ്പെട്ട ഉദ്യോഗസ്ഥൻ സ്റ്റേറ്റ് ഗവണ്മെന്റ്നു റിപ്പോർട്ട് ചെയ്യേണ്ടതും, സ്റ്റേറ്റ് കഴിയും വേഗം ആ റിപ്പോർട്ട് കേന്ദ്ര ഗവണ്മെന്റ്നെ അറിയിക്കേണ്ടതുമാണ് ഇപ്രകാരം റിപ്പോർട്ട് കിട്ടിയാൽ കേന്ദ്ര ഗവണ്മെന്റ് റിപ്പോർട്ട് പരിശോധിച്ച് ആ കുറ്റകൃത്യം എൻ ഐ എ ആക്ട് (NIA Act ) പ്രകാരം ചെയ്യപ്പെട്ടിട്ടുള്ളതാണോ എന്നും എൻ ഐ എ അന്വേഷിക്കത്തക്ക ഗ്രാവിറ്റി ഉള്ളതാണോ എന്നും 15 ദിവസത്തിനകം തീരുമാനമെടുത്തു എൻ ഐ എ ക്കു കൈമാറുകയോ തിരിച്ചു സ്റ്റേറ്റ് നെ ഏൽപ്പിക്കുകയോ ചെയ്യും .
സ്റ്റേറ്റ് ന്റെ അനുമതി കൂടാതെ തന്നെ ബന്ധപ്പെട്ട കുറ്റ കൃത്യങ്ങൾ അന്വേഷിക്കാൻ കേന്ദ്ര ഗവണ്മെന്റ്നു അധികാരമുണ്ട്.
സ്വർണക്കടത്തു കേസിൽ പ്രയോജനപ്പെടുത്തിയിരിക്കുന്ന നിയമങ്ങൾ
പ്രധാനമായും യു എ പി എ (UAPA – Unlawful Activities (Prevention) Act )യിലെ നിയമങ്ങൾ ആണ്. എൻ ഐ എ വൃത്തങ്ങൾ സൂചിപ്പിക്കുന്നത് യു എ പി എ സെക്ഷൻ 15,16,17,18 എന്നിവയാണ് INVOKE ചെയ്യുക എന്നാണ്
ഇന്ത്യയുടെ സാമ്പത്തിക സ്ഥിരതക്കും സുരക്ഷക്കും ഭീഷണിയാകുമെന്നത് കൂടാതെ വൻതോതിൽ എത്തിച്ചേരുന്ന ഈ പണം ഭീകര പ്രവർത്തനങ്ങൾക്കും ഉപയോഗിക്ക പ്പെടാനുള്ള സാധ്യത തള്ളിക്കളയാനാവില്ല. ആക്ടിൽ ഉൾപ്പെടാത്ത കുറ്റകൃത്യങ്ങൾക്ക് കേരള പോലീസിന്റെയോ മറ്റു അന്വേഷണ ഏജൻസികളുടെയും അന്വേഷണവയും സ്വർണ്ണ കടത്തു കേസിലെ പ്രതികൾ നേരിടേണ്ടതായി വന്നേക്കും