പുലി പിടിച്ചാൽ എന്ത് ചെയ്യും എന്ന് ചോദിക്കുന്നത് പോലെ, “ഒന്നും ചെയ്യേണ്ട എല്ലാം പുലി ചെയ്തോളും” എന്നല്ല.
നിയമപരമായ കർത്തവ്യം ചെയ്യാൻ പോലീസ് ഓഫീസറോട് സഹകരിക്കുക. പോലീസ് ഉദ്യോഗസ്ഥൻ ആവശ്യപ്പെടുന്ന വിവരങ്ങൾ നൽകുക. അന്വേഷണത്തിൽ സഹായിക്കുക. നിങ്ങൾക്ക് നിയമ സഹായം ആവശ്യമുണ്ടെങ്കിൽ വക്കിലിനെ സമീപിക്കാൻ അവകാശവും ഉണ്ട്.
പോലീസ് പിടിക്കുക എന്നാൽ അറസ്റ്റ് രേഖപ്പെടുത്തുക എന്ന് അർത്ഥമില്ല. നമുക്ക് അറിയാവുന്ന, അന്വേഷണത്തിന്റെ ഭാഗമായി ഓഫീസർക്ക് അറിയേണ്ടുന്ന വിവരങ്ങൾ ചോദിക്കാനും നോട്ടീസ് തന്നു പോലീസ് സ്റ്റേഷനിലേക്ക് വര്ത്തിക്കാവുന്നതാണ്. ചില സന്ദർഭങ്ങളിൽ ഒരു പോലീസ് ഓഫീസർക്ക് സംശയിക്കത്തക്ക കാരണങ്ങൾ ഉണ്ടെങ്കിൽ ഒരാളെ ചോദ്യം ചെയ്യുന്നതിനും പരിശോധനകൾക്കുമായി തടഞ്ഞു വെക്കാനുള്ള അധികാരം ഉണ്ട്. അല്ലെങ്കിൽ നോട്ടീസ് അയച്ചു ഒരു വ്യക്തിയെ പോലീസ് സ്റ്റേഷനിലേക്ക് വരുത്താവുന്നതാണ്. ഇതൊക്കെ അറസ്റ്റിലേക്ക് നയിക്കണമെന്നില്ല. എന്നാൽ 24 മണിക്കൂറിൽ കൂടുതൽ ഇപ്രകാരം പോലീസ് കസ്റ്റഡിയിൽ സൂക്ഷിക്കാൻ നിയമപരമായി അനുവാദം ഇല്ല. പക്ഷേ അന്വേഷണം 24 മണിക്കൂറിൽ തീരാത്തതോ ചോദ്യം ചെയ്തതിൽ പ്രഥമദൃഷ്ട്യാ കുറ്റകൃത്യത്തിന് വേണ്ടത്ര തെളിവുകൾ / സംശയങ്ങൾ ഉള്ള പക്ഷം പ്രതിയുടെ അറസ്റ്റ് രേഖപ്പെടുത്തി മജിസ്ട്രേറ്റിന്റെ മുന്നിൽ ഹാജരാക്കി തുടർ നടപടികൾ എടുക്കാവുന്നതാണ്.
Note: All the contents in this site are personal & strictly for information purpose only. നിയമങ്ങൾ മനസിലാക്കാനും പ്രചിരിപ്പിക്കുവാനും നിങ്ങളുടെ സൃഹുത്തുക്കൾക്കു ഈ വിവരം ഷെയർ ചെയ്യുക
