ഒരാൾ, തനിക്കു വേണ്ടി കാര്യങ്ങൾ ചെയ്യാൻ മറ്റൊരാളെ ചുമതലപ്പെടുത്തി എഴുതി കൊടുക്കുന്ന ആധീകരിക സമ്മത പത്രം ആണ് മുക്ത്യാർ. പൊതുവായ എല്ലാ കാര്യങ്ങളും ചെയ്യാൻ ചുമതലപ്പെടുത്തുന്നതിനെ സാധാരണ മുക്ത്യാർ(General Power of Attorney) എന്നു പറയുന്നു. ചില പ്രത്യേക കാര്യങ്ങൾ മാത്രം ചുമതലപ്പെടുത്തി മുക്ത്യാർ എഴുതാം. വസ്തു സംബന്ധമായ ഏതൊരു മുക്ത്യറും നിർബന്ധമായും രജിസ്റ്റർ ചെയ്തിരിക്കണം. ഇതിനുഈ അടുത്ത് ഒരു സുപ്രിം കോടതി വിധിയോടെ ( Rajni Tandon vs Dulal Ranjan Ghosh Dastidar & Anr) ചില മാറ്റങ്ങൾ ഉണ്ടായിട്ടുണ്ട്. ഡോക്യുമെന്റ് എക്സിക്യൂട്ട് ചെയ്യുന്നയാളും രജിസ്റ്റർ ചെയ്യുന്ന ആളും ഒരാൾ തന്നെ ആണെങ്കിൽ, രെജിസ്ട്രേഷൻ നിർബന്ധം ഇല്ല. രജിസ്റ്റർ ചെയ്യുന്നതിന് സർക്കാർ നിശ്ചയിച്ചിട്ടുള്ള സ്റ്റാമ്പ് ഡ്യൂട്ടി വേണ്ടതാണ്. കേരളത്തിലെ ഏതു റജിസ്ട്രാർ ഓഫിസിലും മുക്ത്യാർ രജിസ്ട്രർ ചെയ്യാം.അവശ്യമെങ്കിൽ റദ്ദാക്കുകയും ആവാം.
സാധാരണ / പൊതുവായ മുക്ത്യാർ (General Power of Attorney) മുഖേന നടത്തിയ ഒരു കൈമാറ്റത്തിലൂടെ, വസ്തു വാങ്ങിയ വ്യക്തിക്ക് ജന്മാവകാശം സിദ്ധിക്കില്ല എന്നൊരു വിധി സുപ്രീം കോടതി ഒക്ടോബർ 2011 ൽ നടത്തിയിട്ടുണ്ട് (Suraj Lamp and Pvt. Ltd. v/s State of Haryana and another). ഈ വിധിയിൽ General Power of Attorney എന്നത് വസ്തു കൈമാറ്റത്തിനുള്ള ഒരു അംഗീകൃത രീതിയല്ല എന്നും കോടതി പറഞ്ഞിട്ടുണ്ട്. അതുകൊണ്ടു മുക്ത്യാർ അവകാശം സിദ്ധിച്ച വ്യക്തികൾ നടത്തിയ ഭൂമി കൈമാറ്റ ആധാരങ്ങളിൽ പ്രത്യേകം ശ്രദ്ധിക്കുക.
ഭാരതത്തിന് വെളിയിലുള്ള വ്യക്തിക്കു വേണ്ടിയാണ് മുക്ത്യാർ ഒപ്പിടുന്നതെങ്കിൽ ആ രാജ്യത്തിന്റെ എംബസി മുക്ത്യാർ സാക്ഷ്യപ്പെടുത്തിയ ആൾ വേണം ആധാരത്തിന്റെ ഒപ്പം എഴുതി കൊടുക്കുവാൻ.