A place to promote legal consciousness
CrPC പ്രകാരം, സ്വകാര്യ പരാതിയിൽ (private complaint) എക്സിക്യൂട്ടീവ് മജിസ്ട്രേറ്റിനു പോലീസിനോട് FIR രജിസ്റ്റർ ചെയ്യാൻ നിർദ്ദേശിക്കാൻ അധികാരം ഇല്ല.
തനിക്ക് മുൻപാകെ വരുന്ന പ്രൈവറ്റ് കംപ്ലൈന്റിൽ ഭരണപരമായ അധികാരം മാത്രമേ ഉള്ളു. അദ്ദേഹത്തിന് അഡ്മിനിസ്ട്രേറ്റീവ് അന്വേഷണത്തിന് ഉത്തരവിടാവുന്നതാണ്.
CrPC Section 156, Section 190, Section 200 പ്രകാരമുള്ള അധികാരങ്ങൾ ജുഡീഷ്യൽ മജിസ്ട്രേറ്റിനു മാത്രമേ നിർവ്വഹിക്കാൻ സാധിക്കൂ.
Reference: Magistrate can’t order FIR on private complaint: SC
എഫ്.ഐ.ആർ (FIR) എന്ന വാക്ക് കേൾക്കാത്തവർ ആരും ഉണ്ടെന്നു തോന്നുന്നില്ല.
എന്നാൽ പ്രഥമ വിവര റിപ്പോർട്ട് (First Information Report) എന്നത് ഒരു നിയമ പുസ്തകത്തിലും പരാമർശിക്കുന്നില്ല. പക്ഷെ നീതി നിർവ്വഹണ സംവിധാനത്തിൽ ഉപയോഗിക്കുന്നുണ്ട്.
അപ്പോൾ എന്താണ് എഫ്.ഐ.ആർ (FIR)?
ഒരു കുറ്റ കൃത്യത്തെപറ്റി വിവരം ലഭിച്ചാൽ, പോലീസ് ഓഫീസർ എഴുതി തയ്യാറാക്കുന്ന (ലിഖിതമായ) പ്രമാണം ആണ് പ്രഥമ വിവര റിപ്പോർട്ട് (FIR). പോലീസ് സ്റ്റേഷനിൽ നേരിട്ടോ അല്ലാതെയോ എഴുതിയതോ പറഞ്ഞതോ ആയ പരാതി, ഒരു എഫ്.ഐ.ആർ ആയി മാറാം. എഫ്.ഐ.ആർ (FIR) തയ്യാറാക്കിയതിനു ശേഷം മാത്രമേ ഒരു കുറ്റകൃത്യം അന്വേഷിക്കു. ഒരു കുറ്റകൃത്യത്തിന്റെ അന്വേഷണം ആരംഭിക്കുന്നത് FIR മുതൽ ആണ്.
കുറ്റകൃത്യത്തെ പറ്റി ആർക്കൊക്കെ പോലീസിൽ വിവരം കൊടുക്കാം?
കുറ്റകൃത്യത്തിൽ ഇരയായവർക്കോ, ഇരയായവർക്കു വേണ്ടി മറ്റാരെങ്കിലുമോ, കുറ്റകൃത്യത്തെപറ്റി അറിയാവുന്ന ആർക്കും വാമൊഴിയായോ എഴുതിയോ വിവരം കൊടുക്കാം. പോലീസ് ഓഫീസർ ഇത് FIR ആയി രജിസ്റ്റർ ചെയ്യും.