[ശ്രെദ്ധിക്കുക: മുസ്ലിം വ്യക്തി നീയമനുസരിച്ചു ആ സമുദായത്തിൽ വില്പത്രത്തെ സംബന്ധിച്ച് വളരെ വ്യത്യാസമുള്ള നീയമങ്ങൾ ഉണ്ട്]
ഒരു വ്യക്തി തന്റെ മരണശേഷം നടപ്പിലാക്കേണ്ട കാര്യങ്ങൾ മുൻകൂർ രേഖപ്പെടുത്തുന്ന ഒരു ആധാരം(document) ആണ് വിൽപത്രം. വിൽപത്രം എഴുതിയ വ്യക്തിയുടെ മരണശേഷം മാത്രമേ വിൽപത്രത്തിൽ പറഞ്ഞിട്ടുള്ള കാര്യങ്ങൾ പ്രാബല്യത്തിൽ വരികയുള്ളു.
വിൽപത്രം തയ്യാറാക്കുന്നതിന് പ്രത്യേക ഘടന ഒന്നും ഇല്ല. സാധാര പേപ്പറിൽ എഴുതി തയ്യാറാക്കാം. വിൽപത്രം തയ്യാറാക്കി രജിസ്റ്റർ ചെയ്യുന്നത് ഉത്തമമാണ്. കോടതിയില് ഹാജരാക്കുന്ന വേളയില് രജിസ്റ്റര് ചെയ്തിട്ടുള്ള വില്പ്പത്രത്തിന് കൂടുതല് മൂല്യമുണ്ടായിരിക്കും.രജിസ്റ്റര് ചെയ്യല് അത്ര ചെലവുള്ളകാര്യമൊന്നുമല്ല- വില്പ്പത്രം രജിസ്റ്റര് ചെയ്യുന്നതിന് സ്റ്റാംപ് ഡ്യൂട്ടി അടയ്ക്കേണ്ടതില്ല. രജിസ്റ്റർ ചെയ്യുന്നില്ല എങ്കിൽ വിൽപത്രം തയ്യാറാക്കി, രണ്ടു സാക്ഷികളുടെ സാന്നിദ്ധ്യത്തിൽ ഒപ്പിട്ടാൽ മാത്രമേ വിൽപത്രം നിയമപരമാവു. ഒരാൾ മരണ പത്രത്തിൽ ഏതെങ്കിലും ഒരു അവകാശിക്ക് വസ്തു കൊടുക്കുകയോ /കൊടുക്കാതിരിക്കുകയോ ചെയ്യുന്നുണ്ടെങ്കിൽ അതിന്റെ കാരണം രേഖപ്പെടുത്തുന്നത് ആ ആധാരത്തെ ബലപ്പെടുത്തും.
ഒരാൾക്ക് അയാളുടെ പേരിൽ ഒരു സമയം ഒരു മരണപത്രം മാത്രമേ പാടുള്ളൂ. എന്നാൽ നിലവിലുള്ള മരണ പത്രത്തിന് മാറ്റം വരുത്താതെ തുടർച്ച മരണപത്രം(Codicil) എഴുതി രജിസ്റ്റർ ചെയ്യാം. നിലവിലുള്ള ഒരു മരണപത്രം ആവശ്യമെങ്കിൽ റദ്ദു ചെയ്തു പുതിയത് രജിസ്റ്റർ ചെയ്യാം. ഏത് രജിസ്റ്റർ ആഫീസിൽ മരണപത്രം രജിസ്റ്റർ ചെയ്യാം.
പ്രായപൂര്ത്തിയും (18 വയസ്), സ്വബോധവും ഉള്ള ആർക്കും വിൽപത്രം തയ്യാറാക്കാം. ഇനി ഏതേലും മാനസീക അസുഖം ഉള്ളവർക്കും വില്പ്പത്രം എഴുതാവുന്നതാണ്. തയ്യാറാക്കുന്ന സമയത്ത് ഈ വ്യക്തിക്ക് മാനസികാരോഗ്യം ഉണ്ടായിരുന്നു എന്ന് ഒരു സൈക്യാട്രിസ്റ്റ് സാക്ഷ്യപ്പെടുത്തിയാൽ മതിയാവും.
രജിസ്റ്റര് ചെയ്തതിന് ശേഷം വില്പ്പത്രം വക്കിലിന്റെ പക്കലോ സബ്-രജിസ്ട്രാറുടെ പക്കലോ സുരക്ഷതിമായി സൂക്ഷിക്കാവുന്നതുമാണ്. ഇത് രജിസ്റ്റര് ചെയ്തതിന് ശേഷം അത് നടപ്പിലാക്കുന്ന കാലം വരേയ്ക്കും രജിസ്ട്രാര്/സബ്-രജിസ്ട്രാറുടെ പക്കല് സുരക്ഷിതമായി സൂക്ഷിക്കാവുന്നതാണ്.
വില്പ്പത്രം എഴുതിയ വ്യക്തിയുടെ മരണശേഷം വില്പ്പത്രത്തില് പറഞ്ഞിരിക്കുന്ന നിര്ദ്ദേശങ്ങള് അവതരിപ്പിക്കുകയും ഏറ്റെടുത്ത് നടപ്പിലാക്കുകയും ചെയ്യുന്ന ആളെയാണ് നടത്തിപ്പുകാരന് അഥവാ എക്സിക്യൂട്ടര് എന്ന് പറയുന്നത്. ചില സാഹചര്യങ്ങളിൽ കോടതി വില്പത്രത്തിലെ നിര്ദ്ദേശങ്ങള് നടപ്പാക്കുന്നതിനായി ഒരു സംരക്ഷകനെ നിയമിക്കും. എക്സിക്യൂട്ടര് ഇക്കാര്യം ശരിയായി നിര്വഹിക്കുന്നില്ലായെങ്കില് സംരക്ഷകന് അല്ലെങ്കില് മറ്റേതെങ്കിലും വ്യക്തിക്ക് ഇക്കാര്യം കോടതിയുടെ ശ്രദ്ധയില് കൊണ്ടുവരാവുന്നതാണ്. എക്സിക്യൂട്ടര് അയാളില് നിക്ഷിപ്തമായിരുന്ന ചുമതല യഥാവിധം നിര്വഹിക്കുന്നതില് വീഴ്ച വരുത്തിയെന്ന് കോടതിക്ക് ബോധ്യപ്പെട്ടാല് അത് നടപ്പിലാക്കുന്നതിനായി കോടതി ഒരു അഡ്മിനിസ്ട്രേറ്ററെ നിയമിക്കുന്നതാണ്.
Note: All the contents in this site are personal & strictly for information purpose only. നിയമങ്ങൾ മനസിലാക്കാനും പ്രചിരിപ്പിക്കുവാനും നിങ്ങളുടെ സൃഹുത്തുക്കൾക്കു ഈ വിവരം ഷെയർ ചെയ്യുക
